Polîsanê tirkan eşt bînayanê rêxistinanê HDPyî yê Amedî û qezaya Yenîşehîrî ser.

Operasyonê qirkerdişê sîyasîyî bi fermanê Serdozgerîya Komare ya Amedî bi îdîaya ''dokumanê ke qanûnî nîyê este' ame kerdene. Polîsî destur nêdanê ke avûkat û parlamenterê HDPyî bikewê zere.

Ame musayene ke çarçewa cipêrsayîşî de qerarê destbendkerdişî yê hemserekanê HDPyî yê Amedî  Hulya Alokmen Uyanik û Zeyat Ceylanî û hemserekanê HDPyî yê Yenîşehîrî Remzîye Sizici û Kasim Kayayî esto. Ame vatene ke badê cigêrayîşanê bananê partîye do hemserekî bêrê destbendkerdene.

Wird bînayê HDPyî yê ke binê abluqaya polîsan de yê de  cigêrayîşê polîsan dewam kenê.