Meclîsê Wa Munzur Azad Biherikîyo waştişê 11ê herêmê Dêrsimî biaçarîyê warê madenî  kuçeyê Hunerî de şermezar kerd.

Çalakîya ke pankartê ''Ma  hêrişanê vera dorme, xoza, kultur û bawerîya xo rê vanê bes o'' ame akerdene de Serekê Baroyê Dêrsimî Kenan Çetînî qisey kerd.

Çetînî  vist vîrî ke Mudirîya Pêroyî yê Karanê Petrol û Madenî 2019î ran ata 2  hezar û 685 nuqtayan de ruhsatê madenî îla kerdî û vat: ''Hedefê sermayeyî de nika zî Dêrsim esto. Ewro Anqara de 11 îxaleyî yenê kerdene. Waro ke ruhsat dîyayo ci sinoranê Parka Mîlîyî ra hîrayêr o. Hem Parka Mîlî hem zî teberê ci de dewî, dewekî, Karaoglan, Cevîzlîdere, Sîn û Mamles û xeylêk cayê bînî tede ca genê. Dêrsim de nizdê 200 nebatî estê û nizdê  se ra  2 hezarê înan endemîk ê. Aîtê erdê Dêrsimî yê. Ma nika tîya ra persenê, şima kamî ra rizayîye girewte? Eşkerayo ke bi nê porjeyî qirkerdişêko ekolojîk beno. Ma do pawitişê xoza, kultur, bawerî, nasname û mîrasanê tebîî ê dinya ra çirey peryser mevendê.''