Seba ke meaşê karmendan nêdîyenê û kêmîyenê Başûrê Kurdîstanî vera hukmat û partîyan çalakîyê protestoyî vila benê. Ewro bitaybetî Ranya, Qeladiz, Dukan, Çemçeman, Piremegrun û Derbendîxan de şar reyna vejîya kuçeyan.

Çalakîyê ke 2ê kanûne de ameyî destpêkerdene hîrê rojanê peyênan de zêdîyayî. Xeylêk qezayanê Silêmanî de merkezê partîyan û dezgehê hukmatî ameyî vêşnayene. Çalakîyan de hêzanê asyîşî bi çekan hêrişê çalakwanan kerd di rojan de 6 kesan cuya xo vînî kerdebi. Ewro zî Dukan de hemwelatîyo bi nameyê Hemze yo ke 50-60 serre yo hetê hêzanê asayîşî ra darbê mergî ame kiştene û badê nê şîdetî  cuya xo vînî kerde. Derbendixan de grûbêka cinîyan zî rayîrê Kelar-Silêmanî girewt û nêrazîyîşê xo ramojna. Şeladizê ya ke pabesteyê Duhakî ya de zafê înan eşîrê Rêkanî ra 10 çalakwanî ameyî destbendkerdene û kesêk zî birîndar bi.

Buroyê Neteweyê Yewbîyayeyî yê Iraqî zî vera hêrişê hêrisê xo ard ziwan waşt ke înan ke şîdet kerdo wa înan ra hesab bêro persayene.