Qamişlo û Kobanê de şehîdê Qirkerdişê Parisî yê 9ê Çeleyî û 23yê Kanûne ameyî yadkerdene û mesajê pîlkerdişê têkoşînî ame dayene.

Kobanê de seba şehîdan nawnayîşêk ame kerdene. Girseyî bi slogananê sey "Şehîd namire", "Jin, Jiyan, Azadî" rayraşîyayîşêk kerd, dima deqayêk rêz girewt. Endama Koordînasyonê Kongreya Starî Emîne Bekîr nawnayîş de îfade kerd ke şehîda Qirkerdişê 9ê Çeleyî Sakîne Cansiz xoverdayoxa pîle bîya û nika bi hezaran Sakîneyî est ê. Nawnayîş pê sloganan qedîya.

Qamişlo de verê Merkezê Kulturî yê Mihemed Şêxoyî de bi beşdarîya xeylêk kesan û temsîlkaranê dezgehan eşkerayîyêke ameye dayene. Eşkerayîye de şehîdî ameyî yadkerdene û Fransa ra ame waştene ke wa faîlanê esilan eşkera bikera. Eşkerayîye de mesajê pîlkerdişê têkoşînî ame dayene.