Endamê Îdareyê Meclîsê Xoserîya Demokratîke yê Şingalî Xelef Qasimî derheqê serebûtanê peyênan ê Şingalî de ANFyî rê qisey kerd.

Qasimî bale ante ser ke fermanê DAÎŞî ra dima êzidîyî ancî qirkerdişî dir têrî mendî û vat: ''Iraq, Amerîka, Tirkîya û PDK pêro dûştê Şingalî yê. Ma waştêne ke pê dîyalogan meseleyanê Şingalî çareser bikerê la bi hêrişan cewab dîya nê waştişî.''

Qasimî hêrişê vera Zap û Metîna vist vîrî û vat: ''Armancê înan îmhaya pêro kurdan a. Hêrişanê 17ê nîsane de zî hedefo verên Şingal û êzidîyî bîyî. Înan hêrişê Zap û Avaşînî kerd ke gerîlayî wa nêresê hewarê êzidîyan. PDK pê erko ke Erdoganî dayo ci têgêra. PDK hêrişanê vera Şingalî sey roşanî vîneno. Peymana 9ê Teşrîna Verêne têna Hukmatê Herêma Kurdîstanî rê fayde kena. Dewleta tirke zî mîyanê na peymane  de ya.

Êzidîyan ra yew ten zî bimano ma do qetî xoserîye ra fek vera medê. Êzidîyî zî zanenê ke çew nêeşkeno destkewteyê înan çin bikero. Ma bi seyan şehîdî dayî. Ma reyna şehîdan danê la xoserîye war nêverdenê. Êzidîyî do reyna ser bikewê. Çew nêeşkeno Îdareyê Xoserî çin bikero. Çew nêeşkeno ma aciz bikero û îradeyê ma bişikno. Ma do xoverdayîşî rê dewam bikerê.''

Xelef Qasimî peynîya qiseykerdişê xo de sere de êzidîyî venga pêro dinya da ke wa hêrişanê vera Şingalî vindarnê.