Binarê Qendîlî de bi tewrbîyayîşê seyan kesan serrgêra 41. a Partîya Karkeran a Kurdîstanî (PKK) bicoş ameye fîrazkerdene.

Şayîya ke bi rêzgirewtişê semedê şehîdan destpêkerde de mesajê Komîteya Rayberdişî ya PKKyî ame wendene. Mesajî de ame vatene ke roşanê ganîbîyayîşî seba Rayberê Şarê Kurdî Abdullah Ocalan, şarê kurdî û dostanê înan fîraz bo.  Şehîdê Kurdîstanî ameyî virardene û sozê caardişê waştişanê înan ame dayene. Reyna ame vatene ke PKK partîya Rayberîye û şehîdan o û xeta înan de aver şino. Komîteya PKKyî bale ante muhîmîya yewîya kurdan zî ser û vat seba naye çîyo ke destê înan ra bêro do ê bikerê. Şayî bi govend û deyîran dewam kerde.