Emîna Şenyaşara ke mêrde û wird lajê ci hetê merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde nobeta edaletî gêna. Semedê qedexeyê tebervejîyayîşî ra Şenyaşarî keyeyê xo de nobete rê dewam kenê.

Keyeyê Şenyaşarî roja 57. ya nobeta edaletî de medyaya dîjîtale ser o na eşkerayîye kerde: ''Eke edalet çin bo zulm beno. Ma nêwazenê binê zulmî de biciwîyê. Ma do pîya ê rojanê ke dadgerî bi hawayêkê edlîkî muahakeme kenê awan bikerê. Ma do pîya ê rojan bivînê.''