Qezayanê Mêrdînî de zî endamê meclîsî ameyî astengkerdene
Endamê meclîsê şaredarîye yê HDPyî yê Nisêbînî, Dêrişî, Stewrê û Şemrexê ameyî astengkerdene. Polîsan destûr nêda ke endamê meclîsî dekewê şaredarîye.
Endamanê meclîsê şaredarîye yê HDPyî yê şaredarîya Nisêbînîya ke amebî xespkerdene waşt tewrê kombîyayîşê mengane bibê. Polîsan nêverda ke endamê meclîsê şaredarîye yê HDPyî dekewî bînaya şaredarîye.
Endamê meclîsê şaredarîye yê HDPyî yê Şemrexî, Stewrê û Dêrikî zî wexto ke waşt tewrê kombîyayîşî bibê ameyî astengkerdene.
Qoserê Mêrdînî û Hezex û Cizîrê Şirnexî de zî polîsan nêverda ke endamê meclîsê şaredarîye yê HDPyî dekewê şaredarîye.
