Amed, Dêrsim û Anqara de qirkerdişê ke Sûrîye de vera elewîyan yenê kerdene ameyî protestokerdene. Çalakîyan de veng dîya Neteweyanê Yewbîyayeyan û rayapêroyîya neteweyîye  ke wa nê qirkerdişan vindarnê.

Amed de bi tewrbîyayîşê PSAKD, DEM Partî û ALİM DERî Meydanê Şêx Seîdî eşkerayîye ameye dayene. Çalakwanan vera qirkerdişanê vera elewîyan hêrsê xo ard ziwan û veng da Neteweyanê Yewbîyayeyan û rayapêroyîya neteweyîye ke wa vengê xo berz bikerê.

Platformê Dmeokrasî û Kede yê Dêrsimî zî rayraşîyayîş organîze kerd. Biseyan kesê ke Meydanê Seyîd Rizayî de ameyî têhet qirkerdişê vera elewîyan protesto kerdî. Wekîla DEM Partî Aytene Kordu zî vat elewîyî do çirey vera zextan milê xo çewt nêkerê.

Anqara de zî HDK, DAD û DEM Partî Cemxaneyê Ana Fatma de kom bîyî. Hemserekê DADî yê Anqara  Melahate Teke vat bale ante hêrişanê vera elewîyan ser û vat gerek elewî, kurd û şarê bînî waranê cuyeya azade girdêr bikerê.