Mêrdîn de rayberîya Têgêrayîşê Cinîyan ê Azadan (TJA) de Sakîne Cansiz, Fîdane Dogan, Leyla Şaylemez, Sêvê Demîr, Pakîze Nayir û Fatma Uyar bi merasîmêk ameyî yadkerdene.

Vervatoxa HDPyî û Wekîla Mêrdînî Ebru Gunay zî tede xeylêk cinîyî  tewrê merasîmî bîyî. Merasîm de fotografê cinîyan ê şorişgêran ameyî daliqnayene û findî ameyî tavistene.

Ebru Gunay merasîm de derheqê têkoşînê 6 cinîyan ê şorişgêran de qisey kerd û da zanayene ke Fransa seba roşnîkerdişê Qirkerdişê Parisî mesuldarîya xo nêarde ca. Gunaye pare kerd ke pê Qirkerdişê Parisî prosesê çareserîye amebi hedefkerdene. Gunaye vat: ''Eke Qirkerdişê Parisî bêro roşnîkerdene her çi do roşnî bibo. Têkoşîn û xoverdayîşê nê cinîyan rayîrê înan kenê roşnî.''

Qiseykerdişê Gunaye ra dima sînevîzyonêk ame mojnayene û deyîrî ameyî vatene.