Merkezê Îrtîbatî û Çapemenîye yê QSDyî derheqê hêrişanê dewleta tirke de eşkerayîyêke daye. Eşkerayîye de ame parekerdene ke dewleta îşxalkere dezgehê xizmetî û warê sivîlan kerdê hedef, nê hêrişan de 12 kesî şehîd bîyê û 25 kesî zî birîndar bîyê.

QSDyî dîyar kerd ke şewe ra nata hêrişî dewam kenê, dewleta tirke bi obusi,i hawan û SÎHAyan herême dana bombayan ver û bi taybetî firinan, îstasyonan û noqtayanê asayîşî kena hedef.

QSDyî pare kerd ke 42 noqtayî dîyayê bombayan ver û vat: ''Dewleta tirke dişmenîya xo ya vera haştîye ancî eşkera kerde. Dewleta tirke armanc kena ke nê hêrişan de meseleya xo ya zereyî teberî ra bikirişa, herême de kaos û pêkewtişan veja. Ma do heta peynî vera nê hêrişan şarê xo bipawê.''