Gerîlayanê YJA-Starî bi wesîleya 4ê Nîsane rojbîyayîşê Rayberê Şarê Kurdî Abdullah Ocalanî ANFyî rê qisey kerd. 

Lorîn Hesen: 4ê Nîsane seba ma ercîyaye yo çunke Rayber Apo seba têkoşînê pêro şaran bi çimeyê îstîfadekerdişî, seba cinîyan bi sebebê azadîye. Cinîyî koyanê Kurdîstanî de bi coşî 4ê Nîsane fîraz kenê. Ma 4ê nîsane sey rojbîyayîşê xo fîraz kenê. Çunke Rayber Apoyî reyde ma estbîyayîşê xo şinasna.

Şervan Gerîla: Wayîrvejîyayîşê Rayber Apoyî wezîfeyê ma yo. Ma do ey Zîndanê Îmraliyî ra vejê. Rojbîyayîşê Rayber Apoyî rojbîyayîşê merdimîye yo. Şarê kurdî 4ê Nîsane sey rojbîyayîşê xo vîneno û vano na serre bikerê serra azadîya Rayber Apoyî. Nê esasî ser o ma 4ê Nîsane pêro dinya rê fîraz kenê. 

Avesta Cûdî Merîvan: Ma hêvîdar ê ke serra verê ma do rojbîyayîşê Rayber Apoyî ey reyde fîraz bikerê. Ma her serre roja 4ê Nîsane fîraz kenê û ma do tim fîraz bikerê. Ê qetî nêeşkenê perwerîya ma ya bi Rayberîye qels bikerê. Ma do dim bi fikr û hîsanê Rayber Apoyî biciwîyê. 

Rojbîne Sema: Rojbîyayîşê Rayber Apoyî pêro şehîdan, şarê ma yê welatperwerî û pêro embazan rê fîraz bo. Bi bîyayîşê Rayber Apoyî şarê Kurdîstanî, şaranê bindestan û cinîyan xo resna rayîrê azadîye. Çunke 4ê Nîsane heman wextî de roja ma ya estbîyayîşî ya. Seba ke ma bi keda Rayber Apoyî resayî nê roja ma do tim hetê Rayberîye de cabigêrê.