Nameyê aye Lêgerîne bîye. Cigêrayîşê raştîye a vistbi rayîrê azadîye. A kênaya hewramije bîye. Lêgerîne nika sey fermandarêke rayîrê xo de dewam kena.

Lêgerîne wina qala hîkayeya xo kena: ''Wexto ke ez tewra têgêrayîşê Rayber Apoyî bîya mi çimê xo akerdî. Seba ke ez têgêrayîş zêdêr bişinasna û rêxistinîya xo aver bera mi tim xîret kerd. Rayîrê raştîye de cigêrayîşê min tim xorin bi. Têgêrayîşê Rayberîye mi rê ez daya şinasnayîş. Têgêrayîş cinîbîyayîş û hesretî resnayî pê. Wexto ke ez keye de bîya ameyêne vatene ke têna camêrdî çeke gênê xo destî. Wexto ke mi reya verêne çeke girewte xo dest ez zaf bikelecan bîya. Wexto ke mi guleyê xo yo verên eşt seke hêrsê zerrîya mi vejîya werte. O çax cuya mi destê kesan ê bînan de bîye û înan waştêne pê zorî mi bidê zewijnayene. Heqê mi çinbi ke ez qisey bikera. La nika destê mi de çeke esta û ez koyan de bi bawerî şina. Dewlete vera PJAKî antîpropagandayan kena. Ganî şarê ma pê nînan bawer nêkero. PJAK bingeyê felsefeya Rayber Apoyî de seba şar roj û şewe xebitîyeno. Seba ke şarê Rojhelatê Kurdîstanî bêrêxistin o dewlete tesîrê ci kena. Ganî şarê ma vera nînan hîşyar bibo. Bi taybetî ganî cinîyê Hewramanî sîstemî rê vajê 'bes o' û tira bawer mekerê.''