Gerîlayanê HPGyî yê Botanî ra Çayan Goranî derheqê embazî, perwerî û helanê gerîlatîye de ma rê qisey kerd.

Gerîla Çayanî verî qala şinasnayîşê Botanî kerde û vat: ''Serra 2016î de ez pê waştişê xo ameya Vakurê Kurdîstanî û o çax kelecanêk ez girewta. Hîsanê ş de vera dişmenî têkoşîn estbi. Xeyalê mi hele bi hele ameyêne ca. Goreyê mi ganî merdim manaya azadîye biperso. Ez eşkena vaja azadîye caardişê xeyalan o.  Seba ma zî xeyalo tewr pîl azadîya Rayber Apoyî û xelisnayîşê Kurdîstanî yo.''

Gerîla Çayanî wina dewam kerd: ''Seke Rayber Apoyî pênade kerdbi embazîye her çi ya. Seba mi Vakur warê têkoşîn û gerîlayan bi.  Vakur seba kurdan pawitox o, hema zî nê wezîfeyê xo keno. Wexto ke ez tîya koyanê berzan de şina û ewnîyena hasmênî rê ez xo sey milçikêkê azadî hîs kena. Tîya de xeylêk embazê ma yê çêrî şehîd bîyî. Wezîfeyê ma yo verên o ke ma wayîrê têkoşînê înan vejîyê alaya înan biresnê serfîrazîye.''