Avûkat Serdar Çelebîyî babeta 'reformê huqûqî' ANFyî rê ercnaye.

Çelebîyî ard ziwan ke  tecrîdê vera Rayberê Şarê Kurdî Abdullah Ocalanî qet huqûqî nîyo û bale ante heqanê tepişteyan ser. Çelebîyî vist vîrî ke tecrîd hetê peymananê mîyanneteweyîyan ra sey 'metodêkê îşkenceyî' pênase beno.

Çelebîyî vat: ''Tesîrê Ocalanî prosesê çareserîye de dîyayî. Tesîrê ey hema zî dewam kenê. Ocalan seba çareserîya meseleya kurdan aktorêko girîng o. Coka tecrîdê vera Ocaşanî netîceya sîyasetê konjunkterî yê Tirkîya ya. Erdoganî vat ê do reformê huqûqî bikerê. Reform pê vurnayîşê hîşmendîye beno. Coka eke qala reformî esta ganî qanûnanê nikayênan ser o bêro vindartene. Tîya de qedînayîşê tecrîdî, cewabê muracatanê pêvînayîşî yê avûkatan ganî reform de ca bigêrê. Na rewşe sîyaset xeniqnena. Reformo tewr baş biqedînayîşê tecrîdî beno.''