Grevê vêşanîye yê Nasir Yagizî yê vera tecrîdê serê Rayberê Şarê Kurdî Abdullah Ocalanî yê Hewlêrî roja 143’ine de yo, yê endama Meclîsê Îştarî yê Mexmûrî Fadîle Toke  roja 83'ine de dewam keno. Grevê vêşanîye yê biagêrayîşî kewt roja 118'ine û gruba 39’ine dest bi grevê vêşanîye kerd.

Bi nameyê gruba 38’ine Harûn Karayî qisey kerd û ard ziwan ke ê do tecrdîdê serê Ocalanî tu cara qebûl nêkenê. Karayî vat, seba şarê Kurdî no prosesêko krîtîk û muhîm o, dewleta Tirkî serê Rayberê Şarê Kurdî Abdullah Ocalanî de tecrîdêko giran dana kerdene û wextêko derg o ci ra xebere nêna girewtene.

Karayî hetê bînî ra vat, heta ke tecrîdê serê Ocalanî nêro wedaritene ê do xoverdayîşê xo dewam bikerê.

Silêmanî de zî grevê vêşanîye yê bêdem û biagêrayîşî kewt roja 120’ine, bi nameyê gruba 60’ine Fethîye Elîye qisey kerd û vat, “Seba ke tecrîdê serê Ocalanî bêro wedaritene ganî her tewir têkoşînî bêrê dayene, Ocalan bi serran o seba azadîya Kurdan têkoşîn keno.”

Elîye vengdayîş kerd ke heme partîyê sîyasî, selahîyetdarî û der-dor paştdayîş bidê grevê vêşanîye.