Ewro reyna vera HDPyîjan operasyonê qirkerdişê sîyasîyî ameyî kerdene.

Hemserekê HDPyî yê qezaya Bêrecûkî ya Riha Omer Karadag sereştişê keyeyê ci de ame destbendkerdene. Karadago ke sebebê destbendkerdişê ci nîno zanayene ame berdene Mudirîya Asayîşî ya Riha.

Hetê bînî ra endama Meclîsê  Şaredarîya Farqînî ya verêne ya HDPyî Hulya Biçen zî gama ke şîyêne Îstanbul qezaya Bêrecûkî ya Riha de ameyî destbendkerdene. Biçena ke çarçawa cipêsayîşê 2005î de wexto ke endamê meclîsî bî ameye destbendkerdene ameye berdene Mudirîya Asayîşî ya Riha. Yeno pawitene ke Biçene bi sîstemê SEGBİSî îfade bido Serdozgerîya Komare ya Amedî.