Çarçeweya kampanyaya “Cenga Azadiyê Serbixin” ya ke hetê têgêrayîşê Komalên Ciwanî ra dîyaye destpêkerdene, Rojawanî ra grûbêka ciwanan tewrê  Gerîlayanê Azadîye yê Kurdîstanî bîyî.

Ciwanan eşkerayîye daye û nê vatî: ''Tecrîdê serê Rayber Apoyî çend şino giranêr beno. No tecrîd şexsê Rayber Apoyî de vera şarê kurdî û heskerdoxanê azadîye yeno kerdene. Çend rojî verî ma eşnawit ke hukmatê tirkî Rayber Apoyî mektûbanê tehdîtî şaweno. Çîyo winayên nîno qebulkerdene. Dewleta tirke do hesabê nê zaf giran bido. Ma ewro semedê persayîşê hesabî tîya de yê. Ma sey ciwananê Vakur û Rojhelatê Sûrîye tewrê seferberîye benê ke hetê têgêrayîşê ciwanan ê kurdan ra ameye îlankerdene. Seba ke ma dişmenî ra hesab bipersê ma tewrê refanê gerîlayan benê. Çew nêeşkeno tîja tarî bikero, destê ke erjanê ma rê benê derg ma do înan bişiknê.  Ma veng danê ke wa heme ciwanî bêrê wayîrê erjanê xo bibejîyo.''