Rojhelatê Kurdîstanî de operasyonê destbendkerdişî
Rojhelatê Kurdîstanî de 8ê çeleyî de 3 cinîyê çalakîkerî hetê rejîmê Îramî ra ameybî destbendkerdene. 3 cinîyî zî erşawîyayî Zîndanê Ûrmîye.
Goreyê Komeleya Heqanê Merdiman a Kurdîstanî Ezîme Nasrî, Derya Talebanî û Esrîne Mihemed dima ke 8ê çeleyî de ameybî destbendkerdene erşawîyayî zîndanê rêxistina îstîxbaratî ya Îtlaatî.
8ê çeleyî de xeylêk şaristananê Rojhelatê Kurdîstanî û Îranî de 34 sivîlî ameybî destbendkerdene. 3 cinîyan ê çalakîkeran ra ber aqîbetê ê bînan nêzanîyeno.
KNKyî 12ê çeleyî de venga Îranî dabi ke nê kesan vera bido. KNKyî dabi zanayene ke rejîmê Îranî beno ke nê destbendkerdeyan rê îşkence bikero û înan vînî bikero.
