Torra Heqanê Merdiman a Kurdîstanî pare kerd ke 8 û 9ê çeleyê 2021î de tewr tay 11 wendekarê zanîngehê û çalakîkerê sivîlî hetê rejîmê Îranî ra ameyî destbendkerdene.

Torre vizêr zî da zanayene ke hûmara destbendkerdeyan resaye 25.

Goreyê zanayîşan Kerec, Mahabad, Rebet û Merîwan de xeylêk wendekar û çalakîkerê sivîlî ameyî destbendkerdene.

Nameyê tay destbendkerdeyan wina yê: Suheyb Badruc, Ferzad Silêman, Salar Rehewî, Derya Talebanî, Şepol Xizrî, Efşîn Mam Ehmedî, Sîrwan Nurî, Îman Ebdî, Soran Hisên Zade, Behman Yusif Zade, Ferhad Musapur, Ferîdûn Musapur, Zayar Muetemedî, Sîrwan Kerîm Nejad, karwan Mînuyî, Karo Elîdad, Ezîme Nasrê, Cebar Pîrozî, Silêman Edwaî, Ekrem Edwayî, Siyamek Edwayî, Aram Yusif.

Konseya Rayberdişî ya KNKyî pê waştişnameyêk venga dezgehanê heqanê merdiman ê mîyanneteweyîyan da ke aqîbetê destbendkerdeyan pers bikerê û bale ante tehlukeyê îşkence û vînkerdişê nê kesan ser.