Rojnameger Pêşewa Zagros bi meymanê bernameyê Laperî û derheqê rolê ciwanan ê komelê Rojhelatê Kurdîstanî û Îranî de qisey kerd.

Zagrosî da zanayene ke serkêşîya ciwanan de çar mengî yo serewedaritişê şarî dewam keno. Zagrosî dîyar kerd ke dewleta Îranî pê ajanîye û madeyanê tîryakî wazena ciwanan bêtesîr bikera la nêeşkena. Zagrosî ard ziwan ke ciwanî hêzê dînamîkî yê komelî yê coka dişmen ciwanan keno hedef.

Zagrosî vat: ''Ciwanî hêzê têgêrayîşî yê û komelî perwerde kenê. Dewlete ciwanan ra tersena û kena ke verê têkoşînê cinî û ciwanan bigêra. Ciwanê serewedaritoxî nika bîyê qehremanê şarî. Rayber Apoyî zî ciwanêko serewedaritox bi. No serewedaritişê çar mengan têkilîya ciwanan û komelî zî aver beno.''

Zagrosî pare kerd ke neslê neweyî dormeyê xo û prosesî ra hayîdar ê û mîyanê vurîyayîşan de cagênê. Zagrosî vat: ''Dewlete wina fikirîyena ke neslê neweyî destê ci ra vejîyayê û ganî nînnan kontrol bikera. Seba kontrolkerdişê ciwanan zî bi seyan dezgehê dewlete ronîyayê. Dewleta Îranî wina propaganda kena ke neslê neweyî seba cuyêka ewropayî û lîberalî cînayetan kenê la no raşt nîyo. Ciwanî wayîrê şehîdan vejîyenê û pabesteyê erd, kultur, ziwan û tradîsyonê xo yê. No neslê Rojhelatî yo newe qerardar o û ver bi azadîye şino.''