Çewlîg de 9 rojnameyê cayîyî yê ke rojane weşan kenê rîyê tengayîyanê ekonomîkî ra qerarê yewbîyayîşî girewt. Ewro ra tepîya dos ey hîrê rojnameyî bi nameyê Çapakçur, Kent Haber û Surmanşetî vejîyê.

Serekê Cemîyetê Ronamegeranê Çewlîgî Mahmud Ardayî ke derheqê babete qisey kerd ard ziwan ke seba ke hûmara îlananê fermîyan ginaye ware û malîyetî zêdîyayî rojnameyî kewtî tengayîya pîle.

Ardayî vat: ''Xora tengayîyê ke welatê ma anceno her kes zano. Seba ke pîyasaya serbeste vinderta û  warameyîşê îlananê fermîyan zor da çapamenîya cayîye. Xerckerdiş, qezenckerdişî ra zafêr o. Çoka qerarê yewbîyayîşê rojnameyan ame girewtene ke hem malîyet wa kêm bo hem zî kalîteyê rojnameyan zêd bo. Ewro ra tepîya do hîrê rojnameyî weşanî rê dewam bikerê.''