Mîyanê pêro rêxistin û dewletan de servîsê îstîxbaratî seba menfaetanê neteweyîyan û asayîşê şarê xo yenê erkdarkerdene. La Parastin kamca de kurdê welatperwerî est bê xîret keno ke nînan tasfite bikero. Parastin ronîyayîşê xo ra nata dişmenîya kurdan keno.

Rêxistina Parastinî 1965 de ame awankerdene. O çax Şaxê Îranî Amerîka û Îsraîlî de wayîrê têkilîyanê başan bi. Keyeyê Barzanîyan ra Şekîb Akreyî, Ezîz Akreyî û Mihemed Hirsîn zî seba ronîyayîşê Parastinî şibî Îsraîlî. Şekîn Akreyî heta mergê xo selahîyetdarê Parastinî û mabênkarê Îsraîl-Îran-Barzanîyî bi. Parastin heta Aşbetalî 1975î pabesteyê îdarekarê MOSSADî Şalom Nakdîmon bi. Nakdîmonî kitabê xo de wina vatbi: ''Seba awankerdişê Parastinî servîstanê îstîxbaratî yê Îran û Îsraîlî  SAVAK û MOSSADî hewce dî ke seba keyeyê Barzanîyan torrêka ajanîye awan bikerê.''Mahmud Osmanî zî meqaleyêka xo de wina vatbi: ''Mabênê serranê 1965-1975î de ajanê PDKyî hetê MOSSADî ra bi çar dewreyan ameyî perwerdekerdene. MOSSADî naye ra dima Iraq de û welatanê herême de xebatê xo aktîf kedî.''

Serekê Parastinî Mesûd Barzanî bi. Erkê Parastinî yo verên pawitişê Barzanîyan bi. Ferdanê Barzanîyan kesê ke paştî dayêne têkoşînê azadîye sey dişmenî dîyêne. Goreyê ney kam dûştê Barzanîyan o ganî werte ra bêro wedaritene. Bi hukmê Barzanîyan bi seyan kesî kişîyayî.

Parastin û parçeyê ci Yewina Antî-Terorî yê PDKyî hacetê xanedanîya Barzanî yê ke seba fatisnayîşê Şorişê Vakurê Kurdîstanî bi her hawayî dewleta tirke de îtîfaq kenê.

Parastinî bi Şorişê Roajwanî MÎT de zî têkilîyêka xurte naya ro. Dewleta tirke 24ê temmuza 2015î ra dima 'Planê îmha û çinkerdişî' da destpêkerdene. Parastinî zî Başûr de çend welatperwerî est bê agahîyê nînan ser o kom kerdî, MÎT de pare kerdî û bi sebebê şehadetan. MÎT û Parastin 2022 ra nata odaya îstîxbaratî ya operasyonele awan kerde. Na oda de vera gerîlayan û têgêrayîşê azadîye amadekarîyê hêrişan yenê kerdene. Xora PArastin koorînatanê gerîlayan dano pêser û MÎT de pare keno. 2 ajanê MÎTî 2017 de hetê PKKyî ra tepişîyabî û nînan nê îtîrafî kerbdî: ''Ma hewte de rayêke Parastin de kombîyayîş kerdêne. Rayêke ma 40 hezar dolar dabi mesuldarê PKKyî ya odaya hempare. Ma her hewte agahîyî girewtêne. Dima ke yewina Karanê Taybetan a Serekîya Dayîreyê Iraqî ronîya bire dîyaye ke hêzê paramîlîterî bêrê awankerdnee. Pêşmergeyê Roje na çarçewe de ameyî awankerdene. Awankerdişê yewina karanê taybetan ê Iraqî û dima nê karo bîn kerdo ez nêzanena, la na yewine seba ke vera PKKyî şer bikera ameya awankerdene.''

Na asta têkilîye 10 serrî verê cî awan bîye. 9 serran ra nata zî dewleta tirke vera Başûrî hêrişê xo zêdînayî. Hêrişanê dewleta tirke de tim selahîyetdaranê PDKyî paştî daye dewleta tirke û sey karmendê kolonyalîzmî xebitîyayê.

Parastin sey 'Masaya Vakurê Iraqî' ya MÎTî xebitîyeno. Başûr, Rojawan, Şingal, Mexmûr û waranê bînan de bi agahîyanê MÎTî bi hezaran sivîlî û şerwanî kişîyenê. PDK û dewleta tirke pîya 2024 de vera gerîlayan operasyonan kenê. Parastin asta seferberîye de vera PKKyî ajanîye şarî rê ferz keno.

Parastin sey rêxistinêka kontra yo ke sûcê îxanetî keno, gonîya kurdan rijneno û coka ganî bêro muhakemekerdene. Parastin vurîyayo bîyo rêxistina ajan û kontrayan a dewleta tirke. Endama Konseya Rayberdişî ya KCKyî Zekî Şengalî (Mem Zekî) 15ê tebaxa 2018î de Şingal de hêrişê hewayî de şehîd bibi. Mam Zekî tewrê yadkerdişê qurbananê fermabî bibi û rayîr de raşrtê hêrişî amebi. Nê hêrişî de PArastinî bi zelalî hemkarîya dewleta tirke kerdbi. Hema cenazaya Mam Zekîyî erd de bi medyayanê Barzanîyan û Yewina Antî-Terorî eşkera kerdbi ke oyo ke şehîd bîyo Mam Zekî yo.