Roniştişê polîsanê ke bi wesayîtanê zirxinan Amed de Efe Tektekîno 5 serre û Şanîh Onero 19 serre qetil kerdî ameyî kerdene.

Efe Tektekîno 6 serre yo ke 11ê êlula 2019î de qezaya Rezanî ya Amedî de hetê wesayîtê zirxinî yê polîsan ra amebi eciqnayene. Ramitoxê wesayîtê polîs Î.A. vejîya mehkema. Mehkeme de ame vîrardene ke 10 serranê peyênan de 36 kesî netîceya pirodayîşê wesayîtanê zirxinan de cuya vînî kerde. Seba ke tezîye înan estbî keyeyê Tektekînî tewrê roniştiî nêbi. Dadgerî semedê goştarîkerdişê keyeyê Tektekînî roniştiş taloqê 27ê nisane kerd.

Reyna roniştişê mehkemeya polîs S.K. yo ke Yenîşehîrê Amedî de 10ê sibata 2013î de yew nawnayîşî de gama ke şarî rê hêriş ame kerdene bi wesayîtê zirxinî Şahîn Onero 19 serre eciqna ame dîyene. Babîyê Onerî Mehmet Şirin û avûkatê ci Abullah Zeytun tewrê roniştişî bîyî la polîso qetilker tewrê ronitişî nêbi. Roniştiş sey ê verênan ame kerdene û roniştişo bîn 2ê nîsane rê ame pey de eştene.