Roniştoxê Kampa Multecîyan a Şehîd Rûstem Cûdîyî (Mexmûr) bi eşkerayîyêke vera hêrişanê qirkerdişê sîyasîyî yê rejîmê AKP-MHPyî weriştî payan ser û înan îfade kerd ke ê hetê sîyasetmedaranê xo de yê.
Roniştoxanê Kampa Multecîyan a Şehîd Rûstem Cûdîyî (Mexmûr) seba wayîrvejîyayîşê HDPyî eşkerayîyêke daye. Roniştoxî Keyeyê Şehîdan de ameyî pêser û deqayêkê rêxgirewtişî ra dima eşkerayîye hetê Mamosta Mala Şîrînî ra ameye wendene.
Eşkerayîye de ame vatene ke hêrişê vera kurdan bi taybetî wextê Erdoganî de zêdîyayî û îqtîdarê AKP-MHPyî bi hetkarîya DAÎŞî waştêne kurdan çin bikerê. Eşkerayîye de ame parekerdene ke çêranê kurdan verê planan girewt.
Eşkerayîye wina dewam kena: ''Dewleta tirke ya faşîsta ke nêeşkea kurdan çin bikera nika zî wazena kurdan bitersna. Coka hêrişê sîyasetmedaran kena. Ma sey şarê Kampa Mexmûrî venga pêro kurdan danê ke dewleta îşxalkere ra metersê û cewabê nê hêrişan bidê. Êyê ke xo rê vanê kurd ganî vera nê hêrişan bêveng nêmanê.''
Peynîya eşkerayîye de ame vatene ke ê do heta peynî hetê sîyasetmedaranê kurdan de yê û pê xoverdayîşê înan sereberz ê.
