Ezdayetîye her warê awanbîyayîşê dinya sey roşanêkî fîraz kena. Nînan ra yew zî Çarşema Serê Nîsanê yo.

Goreyê êzidîyan dinya de wext 1ê nîsane de dest pêkerd, dinya na roje ronîyaya. Coka êzidîyî menga nîsane sey destpêkê serra newîye yanî sey , Çarşema Serê Salê fîraz kenê. Goreyê êzidîyan viraştişê dinya 7 rojan de qewimîya. Êzidîyî wina bawer kenê ke dinya yewîya nakokîyan ra yena pê. Coka sûr Homayî û rengê sipîyî zî Melega Tawusî temsîl keno.

Sembolanê Çarşema Serê Nîsanê ra yew zî hak o. Goreyê bawerîya êzidîyan dinya verî hakêko nepewte bîye û dima zî gan kewto zereyê ci. Êzidîyî nê roşanî de hakan boyax kenê û na aktîvîte zî yena manaya 'dinya tarîtîye ra xelisîyaye, bîye rengin û wisar dîya.'

Çarşema Serê Nîsanê rê  “Çarşema Nîsanê”, “Çarşema Serê Salê” “Çarşema Sor”, “Çarşem Çarşem”, “Uxur Çarşem” û “Qera Çarşem'' zî vajîyeno.

Wextê xirîstîyanîye de roşanê Çarşema Serê Nîsanê yeno qedexekerdene û wina ferman dîyeno ke eke êzidîyî nê roşanî fîraz bikerê wa bêrê qetilkerdene. Xirîstîyanî wazenê ke rîtuelê hakanê êzidîyan bigêrê. La êzidîyî nê rîtuelê xo pawenê. Xirîstîyanî vanê ''Şima zûran kenê, serre 1ê nîsane de nê, rojbîyayîşê Îsayî de dest pêkena.'' Xirîstîyanî 1ê nîsane sey roja zûran îlan kenê.

Êzidîyî menga nîsane de nêzewijîyenê, çîyêkî fîraz nêkenê. Goreyê êzdayetîye dinya cinî ya û menga nîsane de na cinîye tim çîyanê weşan dana. Rîtuelanê Çarşema Serê Nîsanê de zî cinîyî serkêşîye kenê. Na menge de êzidîyî destê xo nêdanê xoza û sey Rayberê Şarê Kurdî Abdullah Ocalanî domanê ke nîsane de benê, sey bitelehî pênase benê.

Roja roşanî de êzidîyî vilikê ke arê dayê, hak û mîrî beran ser de daliqnenê ke û dûayan kenê. Dima êzidîyî goran zîyaret kenê û roşanê yewbînan fîraz kenê. Tewr peynî zî êzidîyî pîya şayîyêke virazenê.''