Wekîlê Verênî yê YNKyî û Ekonomîst Dr. Îzzet Sabirî krîzo ekonomîk ê Başûrê Kurdîstanî û Iraqî ANFyî rê ercna.

Dr. Sabirî da zanayene ke hukmatê Kurdîstanê Federalî dewleta tirke reyde peymana 50 serran îmza kerda la Iraq têna destûr dano ke petrolo ke 2015î ra dima ame vetene bêro rotene. Sabirî vat: ''No petrol Tirkîya rê qîm nêkeno. Dima ke pertrol erşawîya Tirkîya Iraq budçeyê Herêma Kurdîstanî kêmîna. Mesrûr Barzanî tim vano deynê hukmatê Kurdîstanî 27 mîlyar dolar o. La no raşt nîyo deyn tewr zaf 10 mîlyar dolar o. Hukmat hema zî maeşê 8 mengan nêdayo. Deynê 2018 û 2019î zî vindenê. Seba ke înan pereyê şarî yê bankayan xerc kerd bîyî deyndar.Bêplanî, bêbername û bêpolîtîka benê sebebê deynan. ''

Sabirî bale ante alozîyanê mabênê Iraq û Başûrê Kurdîstanî û vat: ''Eke ê wirdî zî pêbikerê her kes do tira kêfweş û razî bibo.  Iraqî seba beranê sînorî zî pere nêdano. No zî meseleyêka bîn a. ''

Ekonomîst Dr. Îzzet Sabirî pare kerd ke krîzê ekonomî yê Iraq û Başûrê Kurdîstanî ra hukmatê înan mesuldar ê û vat: ''Başûr de zengînîyê binê erzî zêde yê. Eke peymanê raştikênî û plansazîyê xurtî bêrê kerdene Iraq hînî beno zengîn. Iraq û Başûr de potansîyelê turîzmî zî esto. Eke hukmatî giranîye bidê waştişanê şarî ser o çax meseleyî çareser benê.''