Mabênê Fermandarê Pêroyî yê QSDyî Mazlûm Ebdîyî û Serekê HTŞyî Mihemed El Colanîyî (Ehmed El-Şaraa) de vizêr peymanêke ameye îmzakerdene. Vervatoxê PYDyî Salih Muslimî derheqê tedeyîya peymane û mektuba ke Rayber Apoyî Rojawanî rê şawita de ANFyî rê qisey kerd.

Ercnayîşê Muslimî wina yê:

‘’Peymane 7-8 madeyan ra yena pê. Bi na peymane Şorişê Rojawanî bihêzêr bi. Ma hende têkoşîn kerd. Nika ma benê hemparê îdare, qanûnê bingeyî, cuye ekonomî û her çîyî.

Madeyê na peymane kurdan Sûrîye de kenê wayîrê vatevatişî. Yanî kurdan bi na peymane Sûrîye de pêro heqê hemwelatîbîyayîşî vistî destî. Hêrişê dewleta tirke bi na peymane do îlegal bibê. Madeya bîne ra zî ma fam kenê ke pêro koçberê sûrîyeyîjî do abigêrê waranê xo.

Seba caardişê nê 8 madeyan komîteyêke do bêra amadekerdene. Na komîte do bikera ke mîyanê serrêke de pêro madeyan bîyara ca. Na peymane warê mîyanneteweyîyî de zî destek do bivîna.

Rayber Apoyî mektubêke şawitibî Rojawanî. Na mektube de Rojawanî rê amebi pêşwazîkerdene ke bibo parçeyêkê Sûrîye, bi hemkarî têbigêro û haştîye bîyaro ca. Yanî na peymane goreyê mektube ya.

Çapemenîya terefgîre xîret kena ke na peymane sey teslîmîyetî bimojna. La çîyo winayên çin o. Hayîya mi bi tedeyîya mektuba Rayber Apoyî est a. Mektube de Rayber Apoyî nêvato ke hêzê xopawitişî çekanê xo wa war verdê. 

Wa şarê ma goş nêdo çapemenîya terefgîre. Wa goş bido ma.’’