Rêxistina HDPyî ya Mêrdînî temsîlkaranê rêxistinanê komelê sivîlî reyde kombîyayîşêk kerd. Hemserekê Pêroyî yê HDPyî Mîthat Sancarî kombîyayîş de qisey kerd.

Sancarî polîtîkayêAKPyî rexne kerdî û vat: ''Îqtîdar ho rijîyeno û bingeyê nê rijîyayîşî de meseleya kurdan esta. Erdogan vano ke 'çîyo sey meseleya kurdan çin o.'  Serekkomarê ke wina vatbi yeew bi yew şîyî. Partîyê ke pê înakr, teda û şerî xîret kenê meseleya kurdan çareser bikerêdo çin bibê. Mêrdîn de serranê 80-90an de şarî zulmêko pîl dî. La kurdî tim payan ser o bîyî û înan rûmet û azadîya xo pawit. Ma nika zî her roje bi operasyonan şîyar benê. Ê ma têkoşînê şeref û rûmetî yo. Kurdî tekoşîn û dewaya xo ra qet fek vera nêdanê.''

Sancarî bale ante vatişê 'reformî' ser û vat: ''Eşkerayîya reformî ra dima nêzdîyê hezar kesî ameyî destbendkerdene. Key qala reformî yena kerdene teda zêdîyena. Eke merdimê nê welatî demokrasî û azadîye wazenê wa dormeyê HDPyî de xo rêxistin bikerê.  Eke kurdî bibê aktor çareserî, haştî û demokrasî do aver şorê. ''

Sancarî qala qeyûman û alozîya Başûrî zî kerde û vat: ''Qeyûm xespê îradeyê şarî yo. Reyna Başûrê Kurdîstanî de alozîyêke esta. Seba ke na alozî nêba şer ma têkoşîn bikerê.''