Yeno waştene ke Çimeyanê Munzurî yê qezaya Pulurî yê Dêrsimî de projeyê peyzajî bêro kerdene. La roniştoxê Dêrsimî vera proje û îhaleyê seba projeyî her roje nêrazîbîyayîşanê xo mojnenê. 

Meclîsê 'Wa Munzur Azad Bihêriko' vera projeyê peyzajî seba Çimeyanê Munzurî 7ê tebaxe de kampanyaya îmza daye destpêkerdene. Meclîsî eşkerayîye de xo îfade kerd ke ê do qet destûr nêdê ke no proje bêro caardene. 

Kampanyaya îmza mîyanê di rojan de vila bîye û bîye pîlêr. Ame zanayene ke hunermend û sîyasetmedarî zî do paştî bidê kampanya.

Kesê ke wazenê eşkenê nê lînkî ser o paştî bidê kampanya: 

https://www.change.org/p/tunceli-valili%C4%9Fi-peyzaj-d%C3%BCzenlemesi-ad%C4%B1-alt%C4%B1nda-munzur-g%C3%B6zlerinin-tahrip-ve-talan-edilmesini-durdurun?recruiter=false&utm_source=share_petition&utm_medium=twitter&utm_campaign=psf_combo_share_initial&utm_term=psf_combo_share_initial&recruited_by_id=17a9f500-d965-11ea-8e78-3d8b4727927e