Gerîlayê HPGyî Simko Serhildanî derheqê Komployê 9ê Teşrîna Verêne yê vera Rayberê Şarê Kurdî Abdullah Ocalanî de û derheqê Hemleya KCKyî de ANFyî reyde qisey kerd.

Gerîla Simkoyî vat: ''Dewleta tirke şexsê Rayber Apoyî de hêrişê erjanê kurdan kena. Ganî pêro parçeyê Kurdîstanî vera nê hêrişan bibê yew. Rayberîye 21 serrî yo ke tecrîdkerde ya. Ganî vera faşîzmê dewleta tirke sere bêro wedaritene.  Ewro Rojawan Heftanîn, Herêmanê Pawitişî yê Medya de û her parçeyê Kurdîstanî de şer û xoverdayîşêko pîl esto. Nê hêrişî têna PKK eleqedar nêkenê pêro kurdan eleqedar kenê. Planê pîlî yenê kerdene. Coka ganî ma wayîrê Hemleya 'Wext Wextê Azadîye yo' ya KCKyî vejîyê.

Gerîlayî do vera hêrişanê dewleta tirke  her tim  Kurdîstan û Rayberîye bipawê. Seba ke tecrîd biqedo û Rayberîye azad bibo ma do wezîfeyê xo bîyarê ca. Dewleta tirke seserran ra nata qirkerdişê kurdan xo rê kerd hedef. Nê hêrişê nikayênî zî dewamê Komployê Mîyanneteweyî yê.  Seba ke têkoşîn bêro pîlkerdene gerîlayî do berpirsîyarîyanê xo bîyarê ca.''