Mihemed Zekî Çelebî 17ê gulane de Silêmanî de verê restaurantê xo de netîceya hêrişêkê suîkastî de şehîd bibi. Endamanê Komeleya Karkeranê Mezopotamya û bi desan hemwelatîyanê Vakurê Kurdîstanî seba ke kiştoxê Mihemed Zekîyî bêrê eşkerakerdene verê Ofîsê Neteweyanê Yewbîyayeyan (NY) de çalakîya roniştişî daye destpêkerdene.

Mîyanê çalakîkeran de cinîya Çelebîyî Nurtene Çelebî zî est a. Çalakîkeran pare kerd ke wa kiştoxî bêrê eşkerakerdene û cezaya qîme bêra dayene înan.

Selahîyetdarê Ofîsê NYyî xîret kenê çalakîkeran îqna bikerê ke wa çalakîya xo biqedînê.