Goreyê xebera ajansê Mezopotamya dewleta tirke vera herêmanê Zap, Metîna û Avaşînî yê Başûrê Kurdîstanî bi hemkarîya PDKyî amadekarîya operasyonan kena.

Seba nê operasyonan bi rojan o wesayîtê zirxînî û leşkerî sewqê dewanê Çelê yê Colemêrgî yenê kerdene û leşkerî û wesayîtî serê xeta sînorî de ameyê cakerdene.

Vizêr şewe têgêrayîşêkê zêdeyî yê leşkerî sînorê dewanê Zawîte, Aşût, Gêman û Elemûna yê Qilebanî yê Şirnexî de û herêma Kotra de qewimîyayî û helîkopterî ver bi Herêma Kurdîstanî şîyî.

Ame parekerdene ke leşkerê ke pê helîkopteran resayê nê cayî baregehanê sînorî dewa Bêdûhê û Orê de ameyî cakerdene.

Herême de têgêrayîşo leşkerî dewam keno.