Şaredarîya Payîzava ya DBPyî 2016 de kombîyayîşê meclîsî de bire daye ke Vas Buyukşehîr Beledîyesporî rê hetkarîya malzemeyan bikera.

5 serran ra dima Serdozgerîya Komare ya Wanî no sey sûcî pênase kerd û bi îdîaya 'Wezîfeyê xo xirab şuxilnayê' derheqê 12ê endamanê meclîsê şaredarîye de tehqîqat da destpêkerdene. Çarçewa tehqîqatî de endaman asayîş de îfade da. 

Endama Meclîsê Şaredarîye yê DBPyî Sîneme Malala ke Mudirîya Asayîşî ya Wanî de îfade da ard ziwan ke asayîşî înan ra persa ke çira înan hetkarîye daye Vasporî. Malale pare kerd ke goreyê qanûnê şaredarîye yê bi madeya 5393. wezîfeyê înan o ke hetkarîye bikerê dezgehanê sivîlan û kulubanê sporî. Malale vat: ''Têna hetkarîya malzemeyan ameye kerdene. Fatura û dokumentî şaredarîye de yê.''