Îdarekarê HDPyî yê qezaya Xorasanî ya Erziromî Necmettîn Aydin 12ê teşrîna peyêne ya 2020î de pê îdîaya 'endamîya rêxistine' amebi tepiştene. Roniştişo verên ê Aydinî 15ê çeleyî de ame kerdene. Rixmo ke Aydin de nêweşîya herikîyayîşê gonî esta û raporê astengdarîye dîya ci Aydin nêame veradayene.

Rewşa weşîye ya Aydinî roje bi roje giran bena. Mîyanê 67 rojan de Aydinî rê 3 reyî testê Korona ame kerdene. Karantînaya 3. ya Aydinî dewam kena û goreyê zanayîşan o do 21ê çeleyî de bierşawîyo koxûş.

Keyeyê Aydinî pê telefonî tede qisey kerd û da zanayene ke kitab û hacetê pakîye nêdîyenê ci. Keyeyî îfade kerd ke Mudirîya Asayîşî ya Xorasanî seba îfade venga tepişteyê nêweşî Necmettîn Aydinî da.