24ê nîsana 2017î de bi sûcdarîya ke 'endamê rêxistine tedawî kerdî' Mehkemeya Cezaya Girane ya Şirnexî de derheqê doktorê Merkezê Referansî yê Cizîre yê Weqfa Heqanê Merdiman a Tirkîya (THÎV) û Serekê Odaya Tabîban a Şirnexî Serdar Kunîyî de dewa amebî akerdene. Roniştişo peyên ê dewaya Kunîyî ame kerdene. Mehkemeya Cezaya Girane ya 2. ya Şirnexî cezaya zîndanî ya 4 serran û 2 mengan daye Kunîyî.

Doktor Kunîyî derheqê ceza de qisey kerd û vat: ''Na bira ceza qet nêna qebulkerdene. Serra 2016î de wextê qedexeyê vejîyayîşê teberî de derheqê mi de dosya ameye akerdene. Mi o çax zî vat nika zî ez wina vana; ez doktor a. Ganî ez goreyê fikrêkê sîyasî nê erjanê doktorîye têbigêra. Ma sey doktoran wayîrê wijdanî yê. ''

Peynîya qiseykerdişê xo de Kunîyî vat: ''Na ceza erjanê merdimîye rê dîyaye. Kam beno wa bibo ganî ma nêweşan tedawî bikerê. Ez do pê zanistî û metodanê doktorîye wezîfeyê xo dewam bikera.''