Seba şayîya Newroze ya Çewlîgî destûr ame dayene. Şayîya Newroze ya Çewlîgî 20ê adare de taxa Sarayî de kuçeyê Nêweşxaneyî de do bêra kerdene. 

Wekîlê HDPyî Erdal Aydemîr û Nîmetullah Erdogmuş do şayîye de qisey bikerê û hunermendî Hîvda Goksel û Nurcane Degîrmencî do şayîye de vejîyê sehne ser.

Hetê bînî ra seba şayîya Newroze ya Bismil û Êlihî zî destûr ame dayene. Newroze Êlih de 20ê adare de taxa Pazaryerî de do bêra fîrazkerdene û Vervatoxa Meclîsê Cinîyan ê HDPyî Ayşe Acar Başaran, Wekîlê HDPyî Garo Paylan û Serekê PDK-Vakurî Sertaç Bucak zî do tewrê şayîya Êlihî bibê. Şayîya Bismilî de otogar de saete 10.00 de do dest pêbikera.