O roja reşe de dadîya xo ra bi. Armancê ci yo tek estbi; kesê ke Rayberê Şarê Kurdî Abdullah Ocalanî esîr kerd înan ra qesasê xo bigêro. Dadîya ci nameyê ey kerd Ocalan ke wa bibo hêvîya kurdan. Ocalan wexto ke bi pîl sebabê qesasî verê xo da koyan.

Dadîya ey tedaya dewlete ra welatî ra dûrî kewta û ge şîya Lubnan û Misir ge zî şîya Urdun û Lîbya. Wexto ke o pê kurdayetîya xo hesîya persa ke çira rejîmê Sûrîye nêverdeno ê pê nê nasnameyî biciwîyê. Dadîya ci ey rê vat ke çunke ê binê hukmê kolonyalîstan de yê û Rayberîye ameye esîrkerdene. O çax hîsê qesasî yê ey zêdîyayî.

Gerîla Ocalan vano: ''Keyeyê mi tedaya dewlete ra şi Mexmûr de ca bi. La PDKyî babîyê mi tepişt. Ez wayîrê nasnameyê xo vejîyena, ez wazena layîqê nê nameyî biba. Wexto ke babîyê mi tepişîya mi xo bi xo persa ke çira PDK dişmenîye zêdîneno. Wexto ke ez bîya pîl ez kewta rayîrê raştikênî û ez tewrê Têgêrayîşê Azadîye bîya. Mi waşt ez Rojhelatê Kurdîstanî de têkoşîn bikera. Tîya de merdimî wayîrê kurdayetîye vejîyenê. Mi zî bire daye ke bêra tîya.''