Seba viraştişê rayîranê Karerî hetê Komeleya Karerijan a Ewropa (AV-KAR) ra kampanyaya îmzayan dîyaye destpêkerdene.

AV-KARî eşkerayîyêke weşanaye û îfade kerd ke Herêma Karerî ya qezaya Azerpêrtî ya Çewlîgî bi 9 dewan û bi seyan dewekan ra yena meydan. Eşkerayîye de ame vatene ke rixmo ke rayîrê bînî virazîyayî rayîrê Karerî nêvirazîyayî û na zî cîyakerî ya.

Eşkerayîye wina dewam kena: ''Seba ke zimistanan de rayîrî mîyanê çamurî de manenê hamnanan zî benê toz û rayîrê hetê asayîşî ra zî qîm nêkenê. Serranê 2013-14-15î de îdarekaranê Komeleya Paştdayîş û Kulturî yê Karerijan ra heyetêkî raporêk pêşkeşê şaredar, walî û wekîlanê Çewlîgî kerd. Înan soz da ke ê do rayîran virazê la sozê xo nêard ca.

Ma sey karerijan veng danê ke ganî nê meseleyî cade çareser bibê.''