Gerîlayê HPG'yî Şahan Şahoyî şehîdanê Qirkerdişê Helebce bi vîr ardî û vat, "Wa şarê ma yê Başûrî nê qirkerdişî çirey xo vîr ra nêkero. Wa hemverê qirkerdişanê dewleta Tirkî ya faşîste de zî vejîyo meydanan û vengê xo bikero berz."
Bi wesîleya serrgêra 31'ine ya qirkerdişê Helebce ke netîceyê ci de 5 hezarî ra vêşêr Kurd bi çekanê kîmyewîyan hetê rejimê Baasî yê Saddamî ra ame kiştene, gerîlayê HPG'yî Şahan Şahoyî peyamêk da.
Şahoyî vat, "Ez qirkerdişê Helebce ke serrgêra ci ya 31'ine ya şermezar kena. Ma nê qirkerdişî yo ke hetê rejimê Baasî ra û hêzanê serdestan ra hemverê şarê ma de ameyo kerdene çirey xo vîr ra nêkenê. Ma ê şehîdan bi vîr anê. 5 hezarî merdimê ma bi çekanê kîmyewîyan bi hawayêkê barbarî ameyî kiştene. Ma înan bi vîr anê û sozê mucadeleyî danê înan. Ma vanê, wa şarê ma yê Başûrî çirey nê qirkerdişî xo vîr ra nêkero. Hemverê qirkerdişanê faşîstan ê dewleta Tirkî de wa vejîyê meydanan û vengê xo bikero berz. Wa hemverê îşxalî de sereyê xo nênamno û heta peynî mîyanê mucadeleyî û xebate de bo."
