Keyeyê gerîlayê HPGyî Şehîd Bêkes Ûrmîye rîxmê astengîyanê hêzanê rejîmê Îranî seba ci merasîmêk yadkerdişî û serweşîye ameyî kerdene.

Merasîm mabênê 4 û 7ê sibate de ame kerdene. Hêzanê rejîmê Îranî xîret kerd ke verê merasîmî bigêrê la bi israr û qerardarîya keyeyî û şarê welatperwerî merasîm ame kerdene.

Roniştoxê dewa Melheme û şarê welatperwer ê şaristananê Selmasî, Kelaxoyî û Ûrmîye tewrê merasîmî bîyî. Keyeyê Şehîd Bêkesî ra serweşîye waşt û sozê xo yê seba şorişî dibare kerd.

Heman wextî de merdim û welatperweran paytextê Yunanîstanî Atîna de roja îneyî seba yadkerdişê Şehîd Bêkes Ûrmîye merasîmêk kerd. Kurdê çar parçeyanê Kurdîstanî Atîna de tewrê merasîmî bîyî û perwerîya xo bi şehîdanê rayîrê azadîye mojnaye.

Şehîd Bêkes Ûrmîye hêrişê DAÎŞî yê vera Kampa Multecîyan a Şehîd Rustem Cûdîyî yê Mexmûrî de şehîd bibi.