Operasyonê leşkerî yo ke Amed, Mûş û Çewlîgî de amebi destpêkerdene dewam keno. Semedê operasyonê leşkerî yê Pasûrî qorîcîyî ameyî sewqkerdene.

Operasyono ke Taxa Eskarî û  Gelîya Deyîka, Gelîya Mezraxweş û Koyê Dorşînî, Koyê Serê Sipî Hovîtî, Mezra Zovanî, Kerengan, Warê Şenî û Reyle  yê Pasûrê Amedî de yeno kerdene rê vizêr zî zaf leşkerî, tîmê têgêrayîşê taybetî û qorîcîyî tewrê operasyonî bîyî.

Çarçewa operasyonî de kesê ke wazenî şorê dewan testê GBTyî ra vîyarenê. Ame vatene ke rîyê topvaranî ra daristanan de şewat vejîyeno. Gore zanayîşanê ke çimeyanê herêmîyan ra ameyî girewtene vizêr şan Herêma Xîya ra bi herêma operasyonî zaf qorîcîyî ameyî sewqkerdene. Ame parekerdene ke qorîcîyî seba keşfî yenê visnayene vernîye. Operasyon bi paştdayîşê hetkarîya hewayî dewam keno.