Derheqê rojnameger Hakki Boltano ke 30ê êlule de çarçewa cipêrsayîşê vera Kongreya Komelê Demokratîkî (KCD) de ame destbendkerdene de îdîaneme ame amadekerdene. Îdîaneme hetê Mehkemeya Cezaya Girane ya 10. ya Amedî ra  ame qebulkerdene.

Seba ke cezaya hemserekanê verênan ê KCDyî Selma Irmak û Aysele Tugluk a ke bi îdîaya endamîya rêxistine dîyaye, ameye tesdîqkerdene no sey emsalê KCD ''rêxistina terorê çekdarî'' ya ame ramojanyene.

Boltan seba ke delegeyê KCDyî yo û rîyê tewrbîyayîşê di eşkerayîyanê çapemenîye û parekerdişê medyaya sosyale ra ame sûcdarkerdene. Derheqê Boltanî de bi îdîaya ''endamîya rêxistine'' 7î ra heta 15 serran cezaya hepsî yena waştene. Ronişto verên do 24ê sibata 2021 de bêro kerdene.