Sereka Parlamentoya Herêma Federele ya Başûrê Kurdîstanî ya YNKyî Rêwaze Fayeq derheqê serebûtanê peyênan û xîretê şerî yê PDKyî de rîpelê fermî yê parlamento de eşkerayîyêke daye.

Rêwaz Fayeq ard ziwan ke Parlamentoya Kurdîstanî ya ke temsîlkara raştikêneya şarê Kurdîstanî ya, vera pêro tewirê şerê zereyî ya.

Rêwaze Fayeq da zanayene ke tek rayîrê çareserîya meseleyan dîyalog o û vat: ''Ganî her kes menfaatanê neteweyîyan bido vernîya her çîyî, xo armancanê tengan ê partîgîrîye ra dûr bigêro, îradeyê haştîyaneyî yê şarê Kurdîstanî rê hûrmet bikero û şerê zereyîmeşrû nêvîno.''

Rêwaze peynîya eşkerayîya xo de venga pêro terefan da û vat: ''Ez venga her kesî dana ke aqilê haştîyaneyî serdest bikero û menfaatanê berzan ê kurdan ser o vindero.''