Nobeta Azadîye bi koma Freiburgî dewam kena. Çalakwanan ra Aytaç Ozverenî vist vîrî ke Rayberê Şarê Kurdî Abdullah Ocalanî ra qet xeberêke zî nêna girewtene û waşt ke wa her kes çîyo de destê ci ra yeno bikero.
Nobeta Azadîye ya ke semedê azadîya fîzîkîye ya Rayberê Şarê Kurdî Abdullah Ocalanî 25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 552. de dewam kena.
No hewte koma Freiburgî nobete dewr girewte. Kome Aytaç Ozveren, Tevfîk Dovuş, Abdullah Guven, Arîf Şemo û Reşît Demîrî ra yena pê.
Nameyê kome ser o Aytaş Çozverenî qisey kerd û vat: ''Ma tecrîdê vera Rayberê xo qebul nêkenê. Ma nêeşkenê Rayber Apoyî ra xeberêke bigêrê. Avûkatî nêeşkenê ey bivînê. Ma sey şarî nê nêzdîbîyayîşê dewleta tirke ya faşîste qebul nêkenê. Ma na bêedaletîya ke vera Rayberê ma yena kerdene, ra qetî do dewleta tirke efû nêkerê. Ma venga şarê xo danê ke verî ke erey bibo, wa her kes bi mesuldarî têbigêro. Serekê ma rûmetê ma yo.''
