Roniştoxanê Amedî derheqê waştişanê xo yê 2021î de ANFyî rê qisey kerd.

Hemwelatîyê bi nameyê Yaşar Aydinî vat: '' 2020 de Hukmatî bi hêzê dewlete hêrişê muxalîfan kerd. Welat her hetî ra mîyanê krîzî de yo. Reyna Kurdîstan û Tirkîya de vera cinîyan hêrişê giranî ameyî kerdene. Ez wina texmîn kena ke serra 2021î do 2020î ra xirabêr biba. Ganî vera AKP têkoşîn û xoverdayîş bêrê kerdene. Ez hêvî kena ke serra 2021î de hukmat bi eqlêkê selîmî têbigêro. Ganî berê Îmraliyî bêrê akerdene û Serek Apo azad bibo. Ez têna nê çîyan pawena.''

Nurullah Baytokî vat: ''Serra 2020î zaf zor û zehmet bîye. Mi ci ra rindîyêke nêdîye.Ez nêweşîya kênaya xo ra 8 mengan nêweşxane de bîya û ez emser zî bêkar a. Ez hêvî kena ke serra 2021î de doktorê norolojî do bêrê Amedî û kênaya mi rê bibê derman.''

Ramazan Ozakî vat: ''Serra 2021î do biba serra azadîya Abdullah Ocalanî. Dewleta zalime ra qet yew pawitişê ma çin o. HEr ca de xizanîye û bêkarîye estê. Homa nê zulmî qebul nêkeno û heqê ma zaliman de nêverdo.''

Murat Okçuyî vat: ''Serra 2021î de berê Îmraliyî wa abibê, kurdî yewîya xo awan bikerê û pêro planê îşxalkeran wa birijîyê. Nînan ra pey yew waştiş û hêvîya mi çin a.''

Mustafa Akinî vat: ''Ez têna wazena ke heqê bingeyî yê tepişteyan bêrê cardene, waştişê tepişteyan wa bêrê qebulkerdene. Ez venga Wezaretê Edaletî û rayaumûmîye dana ke bi mesuldarî têbigêrê. Wa Serek Apo azad bibo.''