Fermandarîya Qerargehê Merkezê Pawitişê Şarî: Ma qerardarê ke serrgêra 42. a ronayîşê partîya xo de têkoşînê azadîya şarê xo bi serkewtişî tacîdar bikê û cewabê pêroyê hêrişan û komployan bidê.
Fermandarîya Qerargehê Merkezê Pawitişê Şarî bi wesîleya Serrgêra 42. a Ronayîşê PKKyî beyanatêko nuşkekî pare kerd.
Beyanatî ra tayî cayî wina yê:
"Partîya ma ya ke vera asîmîlasyon, qirkerdiş û reskerdişî bi bingeyê neteweyî ameye ronayene sere de serrgêra ci ya 42. seba Rayber Apoyî, şarê Kurdîstanî yê welatperwerî, keyeyanê şehîdan, şaranê averawazan û pêro embazan fîraz bo! Partîya ma PKK raştîya şehîdan ser o ameye ronayene. PKK bi kedanê şehîdan bi gird, aver şi û bi komelkî ke her cayê dinya de bîyo têgêrayîşê merdimîye. Na çarçewe de sere de şexsê şehîd Hakî Karerî de şexsanê Zekî, Atakan, Çetîn, Armance, Şevîne, Helmet, Demhat û Cemîlî de ma pêro şehîdanê xo bi rêzdarî û minetî yad kenî û ma sozê xo yê serkewtişî yo ke dabi înan dibare kenê. Ma şexsanê embazan Delale Amed, Reşît Serdar, Kerim Kato, Azê Malazgîrt û Çîçeke Botan de şehîdanê menga teşrîna peyêne ya ke menga ronayîşê partîya ma ya bi rêzdarî û mînetî yad kenê û soz danê ke ma do vîrameyîşanê înan têkoşînê Kurdistanê Azadî û Rayberîya Azade reyde bidê ciwîyayene. PKK heman wextî de partîyêka rayberîye yo. Ma serrgêra ronayîşê PKKyî yê Rayber Apoyî bi heskerdişêkê bêpeynî fîraz kenê ke o wexto ke kurdî sey çin ameyêne hesibnayene bi birredarîya xo şekîl da têkoşîn û têgêrayîşê partîya ma û ewro zî Îmrali de vera sîstemê îşkence xoverdayîşêkê tarîxî û manadarî dano.
Rayber Apoyî bi kedanê xo yê bêhempayan partîya ma PKK sey rayber vete meydan ke seba şarê kurdan rayîrêkê cuye û estbîyayîşî akerd. Şarê Kurdîstanî yo ke dormeyê PKK de bi hîşê azad, bawerî û çêrîye vera koletîye û asîmîlasyonî bi hêvîya azadîye û îradeyê xoverdayîşî yê şaran. Ma sey Hêzanê Pawitişê Şarî yê Kurdîstanî qerardarê ke Serrgêra 42. a Ronayîşê PKKyî de têkoşînê azadîya şarê xo bi serkewtişî tacîdar bikerê û vera komployan û hêrişan cewabêkê tewr raştî bidê. Qetî yo ke ma sey şerwanan û qadroyanê têkoşînê Rayber Apoyî wayîrê wezîfeyanê xo bivejîyê. Ma wazenê bi hawayêkê pîtî vajê ke serrgêra 42. a têkoşînê ma de seba armancanê PKKya ke partîya şehîdan û rayberî ya xeta gerîlayan de sey ruhêkê fedayî wezîfeyanê xo bi qerardarî bîyarê ca. Ma reyna roşanê serrgêra partîye yê şarê ma, dostanê ma û embazanê ma yê xoverdayoxan fîraz kenê. Ma seba PKKyî serrgêra 42. de têkoşînê ci de serkewtiş wazenê."
