Serrgêra 47’ine ya awankerdişê MKP’yî ame pîrozkerdene
Serrgêra ronayîşê MKP’yî bi merasimêk ame pîrozkerdene. Şerwanê MKP’yî Cafer Kahramanî merasimî de qisey kerd û vat do bi xurtkerdişê mucadeleyî faşîzmî ra hesab bêro persayene.
Partîya Maoîst a Komunîste (MKP) ke 24’ê Nîsan a 1972 de awan bîye, serrgêra 47’ine ya ronîyayîşê xo Wareyê Pawitişî yê Medya de bi merasimêk pîroz kerde.
Şerwanê MKP’yî Cafer Kahramanî merasim de qisey kerd û vat, do mucadeleyê azadîye ya şaran her wareyî de xurt bikerê û îqtîdarê faşîstî yê AKP-MHP’yî ra hesab bipersê. Kahramanî ard ziwan ke çalakîyê grevê vêşanîye yê ke bi serkêşîya şaran yenê kerdene vengê heme bindestan ê û do heta peynî înan rê wayîr vejîyê.
‘Ma do Faşîzmî ra Hesab Bipersê’
Cafer Kahramanî serrgêra 47’ine ya ronîyayîşê MKP’yî hemeyê şaran rê pîroz kerde û vat, “Bi nameyê heme hemrayanê ma yê ke wextê ronîyayîşî ra nata şehîd bîyê ma soz danê, ma do faşîzmî ra hesab bipersê.”
