Êyê ke kewenê embazê erdî merdimanê bînan rê vatişêk verdenê. Gerîla Reşat zî 10ê temmuze de warê Dûpişkê de gerîla Argeş Sara û Zinar Devrîmî reyde wina vatişêk peyê xo de verda. 

Gerîla Reşat Êlih de keyeyêkê welatperwerî de dadîya xo ra bîyo. Nameyê ey nîşnaeya tewr rinde ya rayraşîyayîşê ci bi. Wayîrê manayêka winasêne bi ke ma oxirê ci de bedelê tewr rindî dayî. Nameyê ey Toprak (herre) bi. O zî sey nameyê xo bi.

Hîkayeya Toprakî serra 2014î de Kobanê de dest pêkerd û 10ê temmuze de Dûpişkê de qedîyaye. Ey peyê xo de bi desan mana, merg û cuye verdayî.

Seba ke tewrê xoverdayîşê Kobanê bibo sînorî ra derbaz bi û ver bi Kobanê şi. Wexto ke Kobanê ra agêra keye, rastê babîyê xo ame. Babîyê ey ci rê vat: 'Amegêre, şo koyan. Cayê ke ti eşkenê cewherê xo tede bivînî koy ê.' Dadî û babîyê Toprakî domanê xo dîyarîya Kurdîstan û azadîye kerde. Gerîla Reşat verê xo da koyan û xo resna herra xo. Warê ci yo peyên Heftanîn bi.

Gerîla Reşat Timokî vatêne: ''Gonîya ma ya ke oxirê azadîye de rijîyena, şilîyêka awe ya ke hamnanan de cuye dana daran.'' 

Reşat Timokî 10ê temmuze de Argeş Sara û Zinar Devrîmî reyde şehîd bi. Her ca de çêr bi, rind bi. Gerîla Reşat sey herre bi.