Başûrê Kurdîstanî de alozîya ekonomîke dewam kena. Çalakîyê karker û karmendanê ke meaşê înan nêdîyenê zêdîyenê.

Qezaya Pîremegrûnî ya Silêmanî de zî çalakîyêka protestoyî ameye kerdene. Çalakîkeran dima eşt bînaya Komîteya YNKyî ser, bîna kerde veng û vêşnaye.

Çalakîkeran dima zî verê xo da bînaya Temsîlkarîya PDKyî. Selahîyetdaranê bîna çalakîkeran ser o guleyî raşayî. Dîmenanê ke medyaya dîjîtale de weşanîyayî, mojna ke çalakîkeran bînaya PDKyî zî vêşnaye.

Çimeyanê herêmîyan da zanayene ke çalakîkeran seba vêşnayîşê pêro bînayanê partîyan veng da.